ഗാന്ധിജിയുടെ ജയന്തിയും സമാധിയും ചരമക്കോളത്തില്‍ ചുരുങ്ങി ഒതുങ്ങുന്ന പടം
അതാണ്‌ നമുക്ക് ദേശീയത.
ഒബാമയുടെ ആഗമന - നിര്‍ഗമന ദൃശ്യങ്ങള്‍ക്ക്
ലീഡ് കോളങ്ങളിലും ഒതുങ്ങാത്ത പടം.
ഇതാണ് നമ്മുടെ ദേശീയ അന്തര്‍ ദേശീയത.
ഇതാണ് നമ്മുടെ
ഇനിയും ഒടുങ്ങാത്ത അടിമത്തം.
കാതങ്ങള്‍ക്കപ്പുറത്ത
ഇറോം ഷര്‍മിളയ്ക്
കേരളക്കരയുടെ ഐക്യദാര്‍ഡ്യം.
ആലപ്പുഴയിലെ കേരളപ്പെണ്ണിന്റെ
കരണത്ത് അടിച്ചവര്‍ക്ക്
വാമപക്ഷത്ത് ഇരിക്കുന്നവരുടെ ഐക്യദാര്‍ഡ്യം.
നമുക്ക് വള്ളത്തോള്‍ കവിത തിരിച്ചെഴുതാം.
പ്രിയപ്പെട്ട വള്ളത്തോള്‍
അങ്ങ് പൊറുക്കുക .
വിദേശമെന്നു കേട്ടാല്‍
അഭിമാനപൂരിതമാകണം അന്തരംഗം
വിദേശിയരെ കണ്ടാല്‍
തിളക്കണം ചോര ഞരമ്പുകളില്‍.
ദാ...നോക്കു....
നമ്മുടെ ആസനങ്ങളില്‍
ഒരാല്‍മരം വളര്‍ന്നു പന്തലിച്ചുനിള്‍ക്കുന്നു.
നമുക്ക് ആ ആല്‍മരത്തിന്റെ
തണലില്‍ കഴിയാം.
നമ്മുടെ ക്യാമറ വാഹനങ്ങള്‍ക്കും
മാധ്യമ ഫോട്ടോ - വീഡിയോഗ്രാഫര്‍മാര്‍ക്കും
ഈ തണലില്‍ കഴിയാം.
ഈ തണുപ്പില്‍
ഈ ഹരിത സുന്ദരഭൂമിയില്‍ .
സി.ടി. വില്ല്യം
No comments:
Post a Comment