അമ്മിഞ്ഞയില്‍ ചെന്ന്യായം തേച്ച്
അമ്മക്കയ്യില്‍ ചോറുരുള വച്ച്
അമ്മ പറഞ്ഞു; 'മാമുണ്ടാല്‍
അമ്പളിമാമനെ കൊണ്ടുതരാം'.
ചുണ്ടുകളില്‍ ചിരി വിടര്‍ത്തി
കണ്ണുകളില്‍ പ്രണയം ഒഴുക്കി
അവള്‍ പറഞ്ഞു; 'മാമനായാല്‍
അമ്പളിമാമനെ കൊണ്ടുതരാം'.
മുന്‍വശത്തെ പല്ലുകളില്‍
മൂന്നും കൊഴിഞ്ഞപ്പോള്‍
ബന്ധുക്കള്‍ പറഞ്ഞു; 'അമ്മാവനായാല്‍
അമ്പളിമാമനെ കൊണ്ടുതരാം'.
ഇന്നലെ നോക്കിയപ്പോഴും
അമ്പളിമാമന്‍ മാനത്തുതന്നെയുണ്ട്‌
അമ്പളിമാമന്‍ രാത്രി സ്വകാര്യം പറഞ്ഞു;
'ഇനി നീ ഇങ്ങോട്ടുപോരെ'.
No comments:
Post a Comment