ഏകദേശം നാല് നൂറ്റാണ്ടിന്റെ പഴക്കമുണ്ട് കേരള കാര്‍ഷിക സര്‍വ്വകലാശാലക്ക് . എഴുപതുകളുടെ ആരംഭത്തില്‍ ഭാഗികമായി ഉയിര്‍ കൊണ്ട ഈ സ്ഥാപനം അന്ന് മുതലേ സ്ത്രീകള്‍ക്ക് പേടി സ്വപ്നമായിരുന്നു എന്ന് പഴയ തലമുറക്കാര്‍ സാക്ഷ്യം പറയുന്നു.
പിന്നീട് ജീവിത മാത്സര്യത്തിന്റെയും കേരളത്തിന്റെ സാമ്പത്തീക സാഹചര്യ സമ്മര്‍ദ്ദം കൊണ്ടും വളരെ പേടിച്ച് പേടിച്ച് നമ്മുടെ സ്ത്രീകള്‍ ഈ സ്ഥാപനത്തിലേക്ക് അഭയം പ്രാപിക്കുകയായിരുന്നു. ഇന്നത്തെ പീഡനങ്ങളെ ക്കാള്‍ ഭയാനകമായ രീതിയിലുള്ള ബലാല്‍സംഘങ്ങളും കൊലപാതകങ്ങളും ഈ സര്‍വ്വകലാശാലയുടെ കുന്നിന്‍ മുകളിലും താഴ്വാരങ്ങളിലും അരങ്ങേറിയിട്ടുണ്ട് .
ഇതിനിടെയാണ് , ഇപ്പോള്‍ ഒരു താത്കാലിക സ്ത്രീ ജീവനക്കാരിയെ പീഡിപ്പിച്ചതിന് ഒരു ശാസ്ത്രജ്ഞനെ സര്‍വ്വകലാശാല സസ്പെന്ഡ് ചെയ്തിരിക്കുന്നത് . സസ്പെന്‍ഷന്‍ കാലം വാജീകരണത്തിനും ലൈംഗിക ശേഷി വര്‍ദ്ധിപ്പിക്കുന്നതിനുള്ള സുഖ ചികിത്സക്കും ഉപയോഗപ്പെടുത്തി ഈ ശാസ്ത്രജ്ഞന്‍ മുഴുവന്‍ ശമ്പളവും ആനുകൂല്യവും കൈപറ്റി തിരിച്ചുവരും . അപ്പോഴും കാര്‍ഷിക സര്‍വ്വകലാശാലയില്‍ താത്കാലിക സ്ത്രീജീവനക്കാര്‍ ഉണ്ടാവും .
കേരള കാര്‍ഷിക സര്‍വ്വകലാശാലയില്‍ സ്ത്രീ പീഡന കഥ പുതു കഥയല്ല . പരമ്പരയാണ് . ഇവിടെ പരീക്ഷകള്‍ പാസ്സവുന്നതിനും പി.എച് .ഡി . തീസസ് ഒപ്പിട്ടു കിട്ടുന്നതിനും വേണ്ടി പെണ്‍കുട്ടികള്‍ മാംസ കാഴ്ച്ചകള്‍ ആയ സംഭവങ്ങള്‍ അനവധിയാണ് . ഇന്നും അത് തുടരുന്നു.
നേരത്തെ സസ്പെന്ഡ് ചെയ്ത ശാസ്ത്രജ്ഞന്‍ ഇതിനുമുമ്പും ഇത്തരം കുറ്റകൃത്യം നടത്തിയിട്ടുണ്ടെന്നാണ് അറിയാന്‍ കഴിയുന്നത്‌. ഈയിടെ അദ്ദേഹത്തിന്‍റെ ഓഫീസ്മുറി പരിശോധിച്ചപ്പോള്‍ അതിനകത്തുനിന്നു അതിനൂതന സാങ്കേതിക ശയ്യോപകരണങ്ങളും മറ്റും കണ്ടെത്തിയിരുന്നതായി പറയപ്പെടുന്നു. ഏവിടെ നില്‍ക്കുന്നു നമ്മുടെ ശാസ്ത്രജ്ഞന്മാര്‍ ?
കാര്‍ഷിക സര്‍വ്വകലാശാലയില്‍ സ്ത്രീ പീഡനം പരോക്ഷമായി പ്രോത്സാഹിപ്പിക്കുകയാണ് അധികൃതര്‍, എന്ന് വേണം കരുതാന്‍ . ഇവിടെ സ്ഥിരം ജീവനക്കരെക്കാള്‍ വളരെ കൂടുതലാണ് താത്കാലിക ജീവനക്കാര്‍ . അതില്‍ത്തന്നെ കൂടുതലും സ്ത്രീകളാണ് . ഈ നിയമനങ്ങള്‍ ഒന്നും തന്നെ നിയമവിധേയവുമല്ല. സര്‍ക്കാര്‍ ചട്ടങ്ങളുടെ ഉള്ളില്‍നിന്നുകൊണ്ട്‌ 59 ദിവസത്തേക്കും 179 ദിവസത്തെക്കുമുള്ള നിയമനങ്ങളാണ് ഭൂരിഭാഗവും . ഈ ഹ്രസ്വ കാലയളവില്‍ ഉപജീവനത്തിന്റെ സമ്മര്‍ദ്ദം കൊണ്ടും മറ്റും ഈ പാവം സ്ത്രീജീവനക്കാര്‍ ഇത്തരം ശാസ്ത്രജ്ഞന്മാര്‍ക്ക് സ്വയം അര്‍പ്പിക്കപ്പെടുകയാണ്. ഉപജീവനത്തിന്റെ 59 ദിവസത്തിന്റെയും 179 ദിവസത്തിന്റെയും തനിയാവര്‍ത്തനത്തിനുവേണ്ടി ഇവര്‍ എല്ലാം പണയപ്പെടുത്തുകയാണ്. ഇക്കഥ കളൊന്നും തന്നെ പുറത്തു വരുന്നില്ല . ഇപ്പോള്‍ പുറത്തുവന്ന കഥ തുടര്‍ കഥയുടെ ഇടയിലെ ഒരു കണ്ണി മാത്രമാണ് .
അതുകൊണ്ട് , കാര്‍ഷിക സര്‍വ്വകലാശാലയില്‍ വനിതാ കമ്മിഷന്റെയും സ്ത്രീപക്ഷ പ്രവര്‍ത്തകരുടെയും ഗൌരവപൂര്‍ണമായ ഇടപെടലുകള്‍ ആവശ്യമുണ്ട് . വനിതാ കമ്മീഷന്‍ നേരിട്ട് സര്‍വ്വകലാശാലയുടെ എല്ലാ സ്ഥാപനങ്ങളിലും തെളിവെടുപ്പ് നടത്തേണ്ടതാണ്. സ്ത്രീ ജീവനക്കാര്‍ക്ക് ആരെയും പേടിക്കാതെ ആത്മരക്ഷാര്‍ത്ഥം തെളിവ് കൊടുക്കാനുള്ള സ്വതന്ത്രവും നിര്‍ഭയവുമായ സാഹചര്യം സര്‍ക്കാര്‍ ഉണ്ടാക്കണം.
സി. ടി. വില്യം
It spells out hopeless pathetic situation prevailing in KAU.
ReplyDelete